Зато об опустошении Руси вследствие эпидемии чумы в 1352-1353 гг свидетельств более, чем достаточно. Согласно Никоновской летописи - «Того же лета бысть моръ во Псковѣ силенъ зело и по всей землѣ Псковьской; сице же смерть бысть скора: храхнетъ человѣкъ кровію, и въ третій день умираше, и быша мертвіи всюду... Понеже убо священницы не успѣваху тогда мертвыхъ погребати, но во едину нощь до заутріа сношаху къ церквѣ мрътвыхъ до двадесять и до тритцати, и всѣмъ тѣмь едино надгробное пѣніе отпѣваху, точію молитву разрѣшалную, иже глаголется рукопись, комуждо особь изглаголаваху, или мужу, или женѣ; и тако пологаху по пяти и по десяти во едину могилу… Того же лета бысть моръ спленъ зело въ Новѣградѣ и по всей земли Новогородцкой. Промысломъ Божіямъ вниде смерть въ люди тяжка, и страшна и напрасна зело, отъ Оспожина дни до Велика дни многое множество безчислено людей добрыхъ умре. Не во единомъ же Новѣградѣ бысть сіе, но по всемъ землямъ походи; ему же Богъ, повелѣ, той умре, а его же Богъ соблюде, той наказася страхомъ Господнимъ, да прочаа дни и лета целомудрено и безгрешно поживетъ. Того же лета бысть моръ силенъ зѣло въ Смоленске, и въ Кіевѣ, и въ Черниговѣ и въ Суждалѣ, и во всей землѣ Русстей смерть люта, и напрасна и скора; и бысть страхъ и трепетъ велій на всѣхъ человѣцѣхъ. Въ Глуховѣ же тогда ни единъ человѣкъ не остася, вси изомроша; сице же и на Бѣлѣозерѣ».